台  灣  俗  諺

 

諺語是語言精華的結晶,諺語充滿著長期使用即種語言的人賜予伊的智慧佮趣味。著是安爾,用二十三冬苦心編寫《福全台諺語典》的徐福全教授,共(ka7)諺語號做「語言的舍利子」,「語言的核心成分」。

  台灣諺語充滿鄉土味,有真淺白,有誠深;有足文雅,有足粗俗。這是足自然的現象,毋管安怎,攏愛皆(共伊合音)保留記錄起來,遮的(cia1-e5)寶貴的文化遺產─台灣諺語,才~按地球上消滅失傳。

台灣諺語欣賞

1. 媠g(sui2-bai2)無地比,合(kah4)意較慘死/合意較悿死。

2. 媠,媠無十全(cng5);g,g無交崙(lng5)/圇(nng5)

3. 媠花佇人欉,媠某佇人房。

4. 冬節佇月頭,烏寒佇年兜;冬節月中央,無雪佮無霜;冬節佇月尾,烏寒正二月。

5. 寒天媠查甫,熱天媠查某。

6. 紅柿出頭,羅漢跤仔目屎流。

7. 月圍箍卜(beh4)落雨,日圍箍卜曝埔。

8. 正月寒死豬,二月寒死牛,三月寒死播田夫,四月寒死乖新婦。

9. 有寒著(tioh8)有熱,有艱苦著有快活。

10. 風颱做了無回南,十日九日澹(tam5)

11. 四月芒種(bong5-cing2)雨,五月無焦(ta1)塗,六月火燒埔,七月水流芋。

12. 初三四月眉意,十五六月當圓,廿三四月暗暝。

13. 天無照甲子,人無照天理。

14. 嚴官府出厚賊,嚴父母出阿里不達/嚴父母無彩力。

15. 官府定罪三五冬,人喙定罪一世人。

16. 食甜,著愛憶(it4)著鹹。

17. 第一代儉腸勒肚,第二代長衫帗(phuah8)褲,第三代當田賣租,第四代舉枴仔拄大路。

18. (beh4)好額,等後世;卜做官,去學做戲。

19. 姻緣天註定,毋是媒人跤(gau5)行。

20. 緊紡無好紗,緊嫁無好大家(ta1-ke1)

21. 亦著愛神,亦著愛人(jin5)

22. 問神著(toh8)有毋著(tioh8),看醫生著愛食藥。

23. (kuann7)籃仔假燒金。

24. 抱著囝著唚,入廟著燒金,食著死蟳著慼(cheh4)心。

25. (bue7)娶某,毋通笑人某嬈(hiau5);未生囝,毋通笑人囝枵(iau1)

26. 甘願擔蔥賣菜,毋願佮人公家(ke1)翁婿。

27. (sing7)/倖豬夯灶,恿囝不孝,恿某吵鬧,恿查某囝~落人家教。

28. 做著歹田望後冬,娶著歹某一世人。

29. 一某無人知,兩某捨世代。

30. 不孝新婦(pu7)三頓燒,有孝查某囝路裡(lin0)搖。

31. 查甫也著疼,查某也著成(chiann5)

32. 燒糜傷重菜,媠某傷重翁婿。

33. 歹旗累鼓,歹翁累某。

34. 嫁著好翁傍(png7)翁勢,嫁著歹翁夯翁枷。

35. 睏破三領蓆,掠君心肝~得著。

36. 父死路遠,母死路斷。

37. 一代姑,二/兩代表,三代煞了了。

38. 作田愛有好田底,娶新婦愛揀好娘嬭(le2)

39. 嫁著有錢翁,驚伊變成採花蜂。

40. 嫁著緣投仔翁,三日無食也輕鬆。

41. 嫁著貧憚(tuann7)翁,儉腸勒(neh4)肚嘛是無彩工。

42. 嫁著跋筊(kiau2)翁,跋贏,一手捾肉一手捾蔥;跋輸,當甲空空空。

43. 嫁著台商翁,驚伊一國一房。

44. 枋橋查某媠佮笑,轉(tng2)來去賣某予伊招。

45. 三代無烘爐,四代無茶鈷(koo2),都毋通娶著歹查某。

46. 聽某喙,大富貴。

47. 毋通聽某喙,才免攬胸吐大喟(khui3)

48. 有唐山公,無唐山媽。

49. 惹熊惹虎,毋通惹著赤/刺查某。

50. 歹瓜厚籽,歹人厚言語。

51. 一兼二顧,摸蜊仔兼洗褲/蕃薯溝寄芋。

52. 重食神,孝男面,早睏晏(uann3)精神。

53. 食無三把蕹菜,著卜上(cionn7)西天。

54. 好好鱉,刣甲屎流。

第一戇,替人選舉運動;第二戇,種甘蔗予會社(糖廠)磅。

 

702 台南市新都路20號
No.20, Sindu Rd., South District, Tainan City 702, Taiwan (R.O.C.) TEL:(886)6-261-9885
Copyright (c) 2005 Liu Hsin all rights reserved.